重男輕女｜失業減家用遭父母要求搬走 港女不滿︰細佬鍾意畀幾多就幾多

不少子女都為家用問題與父母產生矛盾。一名港女近日發文大吐苦水，指父母一向重男輕女，自己初出職場時已將逾4成人工作為家用，相反弟弟一向「鍾意就畀」。她透露一向每月給予3,800元家用，惟她失業轉工難以負擔，提出減家用卻被父母拒絕，甚至聲稱一是只包一餐伙食，二是搬走，令她深感進退兩難。

一名女網民上周四（24日）在網上討論區「親子王國」發文，表示自己為家中長女，有一名弟弟，形容家人一向重男輕女，家中任何事她都不能發表意見，直言「一出聲就係我唔啱」。

近半月薪交家用 弟弟待遇相反

事主透露父母本身有工作，自己剛出社會工作時月入7,000元，但已要上繳3,000元家用，佔去薪金4成，當時要過海工作，光是車費已花費500元。然而弟弟卻有不同待遇，當他投身社會後，毋須將4成月薪作為家用，甚至「鍾意就畀，畀幾多就畀幾多」，不平等待遇令她非常不滿：

「可能我畀的不算多，但都冇理由我要畀咁多，細佬就畀咁少，甚至唔使畀。這10幾年來雖則我不知佢畀幾多屋企，但根本冇佢人工的42.86%咁多，而我細佬搵多我起碼成倍有多人工喎。」

謀棺材本？｜月繳$4000家用外母晚餐家務全包，港男再索逾$10萬做首期買居屋，詳情即睇：【下一頁】

家人指家用只可加不可減

事主續指，自己原本月薪逾1.5萬元，但去年底遭公司解僱，曾失業3個月，現在雖然找到新工作，但現在月入不足1.5萬元，加上之前進修沒剩下多少儲蓄，故她希望減少家用，家人卻堅決反對，聲言「家用只可加不可減」，令她深感無奈，

「其實我由出嚟做嘢到現在已加到$3,800，但屋企人都話冇加過畀佢哋，甚至話『$3,800好多咩？搵唔到咁多係你冇本事』。」

家人提出只包一餐 猶豫搬出去住

事主指家用只包中午一隻雞腿及晚飯，日用品費用都是她自行負擔。她坦言當初決定接受該份新工，只因擔心被家人埋怨「咁耐都唔搵嘢做」，惟她找到新工作後又被指「畀少咗家用」，令她猶豫應否搬出去住，

「屋企人話既然我畀唔到，一係只包我一餐，又或者我搬出去住。搬出去住係幾Free（自由），但又驚自己人工隨時Cover（應付）唔到，所以唔知點算好。」

網民：寧願租劏房 VS. $3,800算少

不少網民看到帖文後，著事主不要跟弟弟比較家用，認為她盡力就好；亦有人表示與其繼續受氣，建議事主自己搬出去住，以免被家人情緒勒索：

↓ 點 擊 圖 片 放 大 ↓

但亦有網民表示現時租金高昂，指事主既然無力負擔，則不要勉強搬走，有人指衣食住等費用不便宜，加上通脹3,800元家用其實不算多：

↓ 點 擊 圖 片 放 大 ↓

同場加映：

5G你知唔知｜頻頻用Zoom視像開會數據「爆煲」 指定軟件「免數據」變相無限任用

{{hket:ul-video id="3273"}}{{/hket:ul-video}}

重男輕女｜港女住公屋月繳一半人工做家用，揭被母用作補貼哥哥租私樓，詳情即睇：【下一頁】

U Lifestyle App自家節目登錄《U TV》專區！

↓↓試玩、試食、試用影片任您睇↓↓

【立即體驗】

每朝索取《晴報》：精明生活．健康家庭．開心娛樂

撰文：蘇麗儀